Það verður þéttskipuð dagskrá hjá kórnum fram að og á Ljósanótt, en hún lítur nokkurn veginn svona út:

Sunnudagur 30. ágúst kl. 20-22, kóræfing í aðstöðunni okkar.  Æfum lögin okkar úr tónleikaprógrammi frá í vor.

Mánudagur 31. ágúst kl 19-?, æfing með Guðmundi Rúnari uppi á lofti í Svarta pakkhúsinu.

Þriðjudagur 1. september kl. 19-?, sameiginleg æfing í Fjölbrautaskólasalnum fyrir tónleika á sunnudeginum, lögin með öllum kórunum.

Miðvikudagur 2. september kl. 20-?, æfing með Karlakórnum og hljómsveit í KK sal Vesturbraut, Suðurnesjalög.

Fimmtudagur 3. september.  Kl. 18, hljóðprufa í Svarta Pakkhúsinu.  Kl. 19, æfing í Fjölbrautaskólanum.  Kl. 21, tónleikar með Guðmundi Rúnari uppi á lofti í Svarta pakkhúsinu.  Mæting fyrir kl. 21.   Klæðnaður (hvít) skyrta, efri partur af búningnum okkar og gallabuxur (eða aðrar buxur) .  Þemað verður gult og rautt þannig að allir sem koma fram á tónleikunum eiga að vera í einhverju gulu eða rauðu, eða með eitthvað í þessum litum á sér.  Það má því vera í gulri eða rauðri skyrtu eða bol við svarta toppinn, eða vera með klút, trefil eða eitthvað þess háttar í þessum litum.

Föstudagur 4. september kl. 16, syngjum með Karlakórnum við opnun sýningarinnar Reykjanes 2009 í Íþróttaakademíunni, Suðurnesjalögin.  Mæting kl. 15.30.  Klæðnaður snyrtilegur.  Hljóðprufa á útisviði kl. 18.  Syngja með Guðmundi Rúnari á Stóra sviðinu kl. 20.30.  Mæting 10-15 mín. áður.  Klæðnaður þar er "eftir veðri" þ.e. vera vel klæddar því það er kalt á útisviðinu.

Laugardagur 5. september kl. 12, mæting í Tónlistarskólann á Þórustíg, upphitun fyrir tónleikana okkar.  Syngjum í Íþróttaakademíunni á sýningunni Reykjanes 2009 kl. 13.  Tónleikar í Bíósal Duushúsa kl. 14.  Klæðnaður eins og hver vill, snyrtilegar og sumarlegar .....helst í pilsi til að sveifla og trefill með fyrir sveifluna í "Sveiinu"!  Stóra sviðið um kvöldið tónleikar með KKK og hljómsveit, mæting í KK-salinn kl. 20.45, mæting við útisvið kl. 21.30.  Hljóðprufa líklega kl. 18.  Klæðnaður lopapeysur og gallabuxur.

Sunnudagur 6. september.  Tónleikar með fleiri kórum og einsöngvurum á Suðurnesjum í sal Fjölbrautaskólans kl. 16. Mæting ?__________________.  Það verður rennsli/generalprufa á sunnudeginum, líklega kl. 13.  Klæðnaður kórbúningurinn okkar.

 

Kæru söngsystur, framundan er mikið "húllum hæ".  Verum samtaka og skemmtum okkur í þessum ólíku verkefnum.  Mætum stundvíslega og munum eftir að láta raddformenn vita ef við getum ekki mætt á réttum tíma.  Í öllum verkefnunum nema í Bíósalnum megum við hafa nótur á tónleikunum, höfum þær í svartri möppu.  Æfum okkur heima.  Höfum með okkur eitthvað að drekka á æfingarnar.  Förum vel með okkur og njótum söngveislunnar sem við erum þátttakendur í .

Þá eru æfingar hafnar fyrir Ljósanótt, en fyrsta æfing var á mánudagskvöld, 10. ágúst.  Nokkuð góð mæting var miðað við árstíma.  Næsta æfing verður í kvöld kl. 19.30 og svo áfram alla mánudaga og miðvikudaga fram að Ljósanótt.  Það lítur út fyrir að það verði nóg að gera hjá Kvennakórnum á Ljósanótt, en nú þegar er ákveðið að kórinn syngi á vinnustofutónleikum með Guðmundi Rúnari Lúðvíkssyni fimmtudagskvöldið 3. september, í Duushúsum að venju á laugardeginum 5. september og á sunnudeginum 6. september tekur kórinn þátt í tónlistarveislu þar sem fjöldi tónlistarfólks mun koma fram.  Auk þessa hefur verið rætt um að kórinn komi fram á útisviði bæði á föstudags- og laugardagskvöld en það hefur ekki verið endanlega ákveðið.  
Undanfarin ár hefur verið sett upp sölutjald við Hafnargötuna þar sem Kvennakórinn hefur verið með fjáröflun, s.s. flóamarkað og vöfflusölu.  Þar sem svona mikið verður að gera hjá kórkonum í söngnum hefur verið ákveðið að kórinn verði ekki með sölutjald að þessu sinni.