Og þá er loksins komið að því, Skálholt um helgina. Yndislegar sælustundir sem við höfum átt þar í Kvennakór Suðurnesja. Ég á ekki von á öðru en við höldum uppteknum hætti og njótum okkar, bæði við leik og störf. Allur aðbúnaður er þar til fyrirmyndar. Góður matur, gott andrúmsloft og yndislega fallegur staður. Það er nú svo sem engu logið eins og ein af okkar fyrrverandi formönnum orðaði það svo skemmtilega þegar hún leiddi hópinn í Skálholt: ,,Velkomar í fegurstu sveitir landsins" (Helga Jakobsdóttir). En hún var auðvitað ekkert hlutdræg.

En að ferðinni.

Mæting kl. 9:30 á planinu hjá Sýslumanni.

Gjaldið er 12.500 kr. fyrir gistingu og mat, og vil ég biðja konur um að hafa peninginn passlegan meðferðis svo ekki þurfi að gefa til baka. Ég mun rukka í rútunni á leiðinni.

Sjóður kórsins sér um að borga rútuna. Bus4you.

Það sem þarf að taka með er:

Nóturnar ykkar, öll lögin sem við erum komar með.
Rúmföt, þ.e. sængurver, koddaver og lak.
Inniskó, hlýja peysu, útiföt og góða skó fyrir þær sem ætla í göngutúra, náttföt, tannkrem og eyrnatappa.
Gleraugun.
Betri föt fyrir hátíðarkvöldverðinn (svona passlega fín)
Slikkerí og drykki fyrir kvöldskemmtun. En athugið að léttvín, bjór og gos er selt með matnum, svo ekki taka með ykkur fram í borðsal. Bara í setustofuna.
Það er hægt að borga drykkina í matsalnum með korti.

Þema: Multi-color.

Heimferð er áætluð kl. 17:00 á sunnudag.

Góða skapið, klæðir ykkur alltaf, svo ég þarf ekki að minnast á það.

Dagskráin er eins og venjulega, borða - syngja - elska.

Skemmtinefndin er á fullu swingi.

Ég óska okkur öllum góðrar ferðar og skemmtunar.

Við ykkur hinar sem komist ekki með okkur að þessu sinni vil ég segja: Reynið að gefa ykkur tíma til að kíkja aðeins á lögin og textana, því við komum svo öflugar til baka.

Fegursta blóm jarðarinnar er brosið.

Bestu kveðjur frá formanni.

Skrifað af Heiðu Gunnars

Tengill á færslu

Bæta við áliti

Sýna álit