Þá er Ljósanótt lokið og er óhætt að segja að vel hafi tekist til með þátttöku Kvennakórs Suðurnesja í hátíðinni.  Á laugardeginum söng kórinn fyrir troðfullum Bíósal í Duushúsum við frábærar undirtektir og á sunnudeginum tók kórinn síðan þátt í stórglæsilegum hátíðartónleikum í Stapa.  Voru tónleikagestir í skýjunum að þeim loknum og hafa flytjendur og skipuleggjendur tónleikanna hlotið mikið lof fyrir. Það er nokkuð ljóst að tónleikar sem þessir verða fastur liður á Ljósanæturhátíðum komandi ára.